بيروتيّ لا ريب فيه



ضيعانك يا بيروت

يا مناظر عالشاشة يا خداعة وغشاشة
يا عروس بخشخاشة يا مصمودي بالتابوت
يا ضيعانك يا بيروت

الخواطر مكسورة والنفوس مقهورة
والحرية مقبورة والكلام للنبوت
يا ضيعانك يا بيروت

الجهال حاكمين والارذال عايمين
والانذال عايشين والاوادم عما تموت
يا ضيعانك يا بيروت

الخاين حامل نيشان والسافل الو قدر وشان
والجاهل شبعان رويان والعالم لايب عالقوت
يا ضيعانك يا بيروت

ما في هيبة ولا وقار بالاحكام استهتار
وين ما مشيت لعب قمار في النوادي والبيوت
يا ضيعانك يا بيروت

الغريب بيتمخطر والقريب بيتمرمر
واللي بيفوت ما بيضهر واللي بيضهر ما بيفوت
يا ضيعانك يابيروت

عمر ألزعنّي
1961-1898



منطقة ألزيتونة أيام عمر ألزعنّي

وقتها كانت بيروت مش عاجبتو, متل ما بأيامنا ما كانت عاجبتنا

أبراهيم تيّان